 |
| RRR movie Release Date |
- देस बर मर मिटइया मनके अमिट कहानी : आरआरआर
- देखे बर झिन भुलाहू जूनियर एन.टी.आर, राम चरण, आलिया भट्ट अउ अजय देवगन के फिलिम आरआरआर
- बाहुबली वाला एस. एस. राजामौली के अवइया फिलिम आरआरआर 25 मार्च के रिलीज होही
सिनेमा,ए। देस म अभी साउथ सिनेमा के गदर माते हावय। हिन्दी फिलिम आते हावय तभो ले लोगन मन अब साउथ म रमगे हाबे, कोजनि का पाके ते? कारन कुछ होवे फेर येकर ले क्षेत्रिय सिनेमा अउ कलाकार मनला जबर बल मिले हावय। पहिली हॉलीवुड अउ बॉलीवुड म ही सैकड़ों करोड़ के बजट फिलिम म लगाये के आरो मिलय। अब कुछ बछर ले टॉलीवुड येमा आगु आए हावय। ओमन अपन दम म फिलिम बनाथे अउ चलाथे तको। इही पांत म आजकल एसएस राजामौली के तेलुगु फिलिम आरआरआर के गजब सोर उड़त हाबे। जब ले लोगन मन येकर गम पाये हावय देखे बर जी छुटे जात हाबे।
आरआरआर के ट्रेलर रिलीज करे के बखत 7 जनवरी 2022 के तारीख बताये रिहिन। फेर अब येकर रिलीज करे के नवा तारीख 25 मार्च 2022 बताये जाथे। ये बात के आरो आरआरआर के टीम कोति ले सोशल मीडिया म पोस्टर के मार्फत दे गे हावय। येला पाछू खुचाये के बड़का कारन कोरोना बइरी ल माने जावथे। पहिली 30 जुलाई 2020 के अवइया रिहिस ओकर बाद 5 फरवरी 2020 के, फेर 7 जनवरी 2022 के रिहिस अउ अब 25 मार्च 2022 के रिलीज करे जाही। देसभर म महामारी के सेती कोनो कोति टॉकीज हरहिंछा नइ चले सकत हाबे, सबे म कोरोना के छॉव परगे हावय। वइसे दरसक मन तो सोशल मीडिया के माध्यम ले आरआरआर के गाना, ट्रेलर अउ फोटो देखे के बाद अपन मन ल मड़ा लेथे फेर पूरा फिलिम ल देखे के बिगर साध नइ भूताय। कास 25 मार्च 2022 के करार दिन बने फत पर जतिस अउ आरआरआर सिनेमाघर म आ जतिस इही बिनती हावय।
What is RRR movie full form? आरआरआर के पूरा नाम का होही येहू दरसक मनके मन म उमड़त हावय। तब मिले आरो के मुताबिक RRR ल तेलुगु म ‘रौद्रम रणम रुधिराम’, तमिल म ‘रथथम रणम रौथिराम’, कन्नड़ म ‘रौद्र राणा रुधिरा’, मलयालम म ‘रुधिराम रणम रौद्रम’ केहे हावय माने क्रोध युद्ध रक्त। येला अंग्रेजी म ‘Rise Roar Revolt’ ‘राइज रोवर रिवोल्ट’ नाम देगे हावय माने विद्रोह के दहाड़ इहू फिलिम म दिखही। मूल रूप म ये तेलुगु फिलिम आए फेर हिंदी, तमिल अउ कन्नड़ म तको रिलीज होही।
अब टॉलीवुड फिलिम आरआरआर के कलाकार के बात करे जाए तब येमा अभिनेता जूनियर एन टी रामाराव, राम चरण, आलिया भट्ट अउ अजय देवगन दमदार भूमिका देखे बर मिलही। बताये जाथे के येहा एक काल्पनिक कहानी आए जेमा भारत के स्वतंत्रता संग्राम सेनानी के जीवन ल रेखांकित करे गे हावय। फिलिम म ब्रिटिश शासन के बखत के हैदराबाद म जोन विद्राह के गदर माते रिहिस ओकर ललकार दिखही। देस बर मिटइया मनके अमिट कहानी ल समेटे एक्शान ले भरपूर फिलिम ल देखे बर झिन भुलाहू।
- फिलिम के नाम – आरआरआर (राइज रोवर रिवोल्ट)
- निर्देशक - एस. एस. राजामौली
- निर्माता – डी. वी. वी. दानय्या
- पटकथा - डॉ. एस. एस. राजामौली
- कहानी – के. वी. विजयेंद्र प्रसाद
- कलाकार - जूनियर एन.टी. रामाराव, राम चरण, आलिया भट्ट, अजय देवगन
- संगीत - एम. एम. कीरवानी
- रिलीज - 25 मार्च 2022
- भाषा - तेलुगु
आरआरआर सोशल मीडिया अकाउंट -
 |
| RRR movie Release Date :Ajay Devgan |
 |
| RRR movie Release Date : Alia Bhatt |
 |
| RRR movie Release Date : Junior NTR |
 |
| RRR movie Release Date : Ram charan |
 |
| RRR movie Release Date : S. S, Rajamauli |
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।