 |
| cg movie mar dare maya ma |
सिनेमा,ए। छत्तीसगढ़ी फिल्म के सुपर स्टार पद्मश्री अनुज शर्मा फेर एक पइत बिहाव करत हाबे, अरे सिरतो म नहीं गा फिलिम म। अऊ ए दरी ओकर हिरोइन ओडिसा ले आही। ओडिसा के लिप्सा मिश्रा पहिली बार छत्तीसगढ़ी फिलिम करत हाबे, वइसे ओमन देश के केऊ भाषा म फिलिम करे हावय, सबले जादा ओमन के उडि़या फिलिम बने हावय।
मिले आरो के मुताबिक अब फिलिम पूरा तइयार हावय सिनेमाघर म आये बर। ये फिलिम म सबले खास बात सुनई आवथे के ऐमा सुपर स्टार अनुज शर्मा के पूरा परिवार दिखही। खैर ये तो फिलिम के पर्दा म आये के बादे जानकारी मिलही, फिलहाल येकर गाना अउ ट्रेलर ले कहानी के अंदाजा लगाये जाए तब पारिवारिक फिलिम आए। येकर निर्माता हावय गजेन्द्र श्रीवास्तव जोन कोरबा के आए अउ युवा निर्देशक मनीष मानिकपुरी ह येला निर्देशित करे हावय।
मार डारे मया म के सुघ्घर पारिवारिक कहानी गढ़े हावय प्रसिद्ध लेखक गिरवर दास मानिकपुरी अउ गीत लोक कलाकार नवलदास मानिकपुरी के हावय जेला संगीतकार सुनील सोनी मुधर संगीत ले सजाये हावय। फिल्म म अहम किरदार म हावय अनुज शर्मा, लिप्सा मिश्रा, क्रांति दीक्षित, पुष्पेन्द्र सिंह, अंजलि सिंह, प्रदीप शर्मा, गिरवर दास मानिकपुरी, अंशु दास मानिकपुरी अउ निशांत उपाध्याय।
- फिल्म का नाम- मार डारे मया म
- प्रोडक्शन- गजेन्द्र श्रीवास्तव प्रोडक्शन
- निर्देशक- मनीष मानिकपुरी
- संवाद- गिरवर दास मानिकपुरी
- गीत- नवलदास मानिकपुरी
- संगीत- सुनील सोनी
- छायांकन- सिद्धार्थ सिंह
- कलाकार- अनुज शर्मा, लिप्सा मिश्रा, क्रांति दीक्षित, पुष्पेन्द्र सिहं, अंजलि सिंह, प्रदीप शर्मा, गिरवर दास मानिकपुरी, अंशु दास मानिकपुरी, निशांत उपाध्याय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।