सरकारी अस्पताल मन म सियान मनके फोकट म इलाज, लैब जांच अउ फिजियोथेरेपी सुविधा तको

अंजोर.रायपुर, 26 फरवरी। राज्य शासन के स्वास्थ्य अउ परिवार कल्याण विभाग डहर ले ‘माता-पिता अउ वरिष्ठ नागरिक अनुरक्षण अउ कल्याण अधिनियम, 2007’ के धियान म रखत सबो जिला  म ‘राष्ट्रीय वयोवृद्ध स्वास्थ्य परिचर्या कार्यक्रम’ सुरू करे गे हावय। येकर ले 60 साल अउ येकर ले जादा उमर के वरिष्ठ नागरिक के सबो सरकारी अस्पताल मन म फोकट म ओपीडी, आईपीडी, लैब जांच, मोतियाबिंद जांच अउ फिजियोथेरेपी के सुविधा दे जात हावय। 

शासकीय अस्पताल मन म पंजीयन काउन्टर म वरिष्ठ नागरिक के खातिर आमजन के लाइन ले अलग लाइन के बेवस्था हावय, जिहां उंकर खातिर अलग ले पीला रंग के पंजीयन कारड बनाये जात हावय। प्रदेस के सबो जिला अस्पताल म सियान मन के खातिर अलग ओपीडी के बेवस्था करे गे हावय। राज्य के सबो महाविद्यालय, जिला अस्पताल, अउ चिन्हाकिंत सिविल अस्पताल मन म मोतियाबिंद के जाँच अउ ऑपरेशन फोकट म करे  जाते हावयं। ओपीडी म इलाज के खातिर पहुंचे बुजुर्ग के फिटनेस गाइड बुकलेट के संग जरूरत अनुसार फोकट म वॉकर अउ वॉकिंग स्टिक तको दे जात हावयं।