तेन्दूपत्ता संग्रहण : 3 ले 5 मार्च तक ‘बूटा कटाई तिहार‘ मनाही तेंदूपत्ता संग्राहक

tendupatta collection

अंजोर.रायपुर, 26 फरवरी। अच्छा गुणवत्ता के तेन्दूपत्ता संग्रहण के उद्देश्य ले पाछु दिन जिला यूनियन स्तरीय शाखकर्तन प्रशिक्षण कार्यशाला के आयोजन नीलाम हॉल काष्ठागार कोंडागांव म करिन। एमे तेन्दूपत्ता संग्रहण पहिली शाखकर्तन कार्य, तेन्दूपत्ता संग्रहण, परिवहन, भण्डारण अउ भुगतान के संबंध म वनमंडलाधिकारी सह प्रबंध संचालक यू.के. गुप्ता डहर ले जरूरी निर्देश दे गिस। संग ही उंकर डहर ले जंगल के अग्नि ले सुरक्षा के संबंध म विस्ता्र ले जानकारी दीस। चालू साल के बखत दक्षिण कोण्डागांव वनमंडल ले 21 हजार मानक बोरा तेन्दूपत्ता के संग्रहण के लक्ष्य हावय। 

वनमंडलाधिकारी गुप्ता ह कार्यशाला म उपस्थित उप वनमंडलाधिकारी, परिक्षेत्र अधिकारी, पोषक अधिकारी, फड़ अभिरक्षक, प्रबंधक, फड़मुंशी, समिति के संचालक मंडल अउ तेन्दूपत्ता संग्राहक के साल 2022 म तेंदूपत्ता शाखकर्तन बुता के सुचारू संचालन के संबंध म जरूरी निर्देश दिस। दक्षिण कोण्डागांव वनमंडल ले अवइया 03 मार्च ले 05 मार्च 2022 तक सबो फड़ म ‘बूटा कटाई तिहार‘ के रूप म मनाये जाही। येकर तहत वनमंडल के सबो समिति मन के एक संग शाखकर्तन बुता करे के निर्देश दिये गे हावय, ताकि वनमंडल ले शाखकर्तन के लगभग 45-50 दिन के बाद एक संग तेंदूपत्ता तोड़ाई के बुता सुरू हो सके।