दंतेवाड़ा वासी ल अब मिलही डेनेक्स आरओ वाटर के सुविधा

अंजोर.दंतेवाड़ा,17 जनवरी। वस्त्र बनाये के क्षेत्र म बहुत ही कम समय म विश्वसनीय छवि बना चुके डेनेक्स अब आरओ वाटर के क्षेत्र म तको आगू आत हावय। जिला संयुक्त कार्यालय म सोमवार के जिला पंचायत सदस्य सुश्री सुलोचना कर्मा अउ जिला पंचायत सीईओ आकाश छिकारा डहर ले डेनेक्स आरओ वाटर रथ ल हरी झण्डी देखाके रवाना करिन। आरओ वाटर के जिला के सरकारी भवन के संग-संग सबो घर तक पहुंच सुविधा उपलब्ध कराये जात हावय। डेनेक्स आरओ वाटर के कीमत 25 रूपिया रखे गे हावय। अवइया दिन म डेनेक्स आरओ वाटर के जिला के संग आन जिला म तको पहुंचाये के प्रयास करे जाही। 

मानव शरीर के खातिर डेनेक्स आरओ वाटर के टीडीएस 110 पीपीएम हावय जेन सेहत खातिर बहुत ही अच्छा हावय। येकर उपयोग ले अंदर के बिमारी ले रोकथाम पाये जा सकत हावय। दन्तेवाड़ा विकासखण्ड अन्तर्गत गांव पंचायत टेकनार मॉ दन्तेश्वरी गौ-संवर्धन केन्द्र म आरओ वाटर प्लांट के स्थापना करे गिस हावय। जेकर संचालन प्रगति अउ प्रयास संस्था के डहर ले करिन जात हावय। ए बुता बर स्थानीय महिला स्व-सहायता समूह ल प्रशिक्षण दे जात हावय जेमा 10 महिला मन सामिल हावय।