अंजोर.धमतरी 26 जनवरी। राष्ट्रीय परब गणतंत्र दिवस के मउका म नक्सल मोर्च म मुठभेड़ के बखत शहीद होए जिला के 37 पुलिस जवान मनके घर वाला ल पुलिस विभाग के अधिकारी मन डहर ले उंकर घर पहुंच के शॉल अउ फल ले सम्मानित करिन। एमे नगरी तहसील के फरसियां के शहीद आरक्षक रतन लाल मरकाम, बाजार पारा नगरी के प्यारेलाल सोम, गांव कौहाबाहरा के निर्मल कुमार नेताम अउ भीतररास के शहीद आरक्षक नवल किशोर शांडिल्य के घर वाला के सम्मान करिन गे।
इही रकम ले धमतरी तहसील के संबलपुर के शहीद आरक्षक नारायण सोरी, सांकरा के नोहरू राम नेताम, गागरा के संतोष कुमार, परेवाडीह के टिकेश्वर कुमार ध्रुव, श्यामतराई के रामेश्वर ध्रुव, जल विहार कालोनी रूद्री के तिला राम ठाकुर, दुलारी नगर रूद्री के खगेन्द्र कश्यप, गांव विश्रामपुर के शहीद आरक्षक भूषण मंडावी के घर वाला के सम्मान करिन गे। शांतिनगर चिखली के शहीद प्रधान आरक्षक चंद्रशेखर रंगारी, गांव सातबाहना के सियाराम ध्रुव अउ मल्हारी के शहीद प्रधान आरक्षक विरेन्द्र सोम के घर वाला के सम्मान करिन गे। रानीगांव के शहीद उप निरीक्षक कोमल सिंह साहू, गांव छिंदभर्री के सहायक निरीक्षक कैलाश नेताम अउ बरबांधा के शहीद निरीक्षक देवनाथ नागवंशी के घर वाला के सम्मान करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।