अंजोर.रायपुर, 06 जनवरी। छत्तीसगढ़ सरकार के फ्लैगशिप योजना मन म ले जरूरी सुराजी गांव योजना के गरूवा घटक के तहत अब तक राज्य म बने अउ सक्रिय रूप ले संचालित 7889 गउठान म ले 2201 गउठान स्वावलंबी हो गे हावयं। स्वावलंबी गउठान गोबर खरीदी ल लेके वर्मी कम्पोस्ट के निर्माण के खातिर स्वयं के पास उपलब्ध रकम के उपयोग करे लगे हावयं। रायगढ़ जिला म सबले जादा 249 गउठान स्वावलंबी होए हावय। दूसरा नंबर महासमुन्द अउ कोरबा जिला म 170-170 गउठान अउ तीसरा क्रम म कबीरधाम जिला म 141 गउठान स्वावलंबी होए हावय।
कृषि विभाग ले मिले जानकारी के मुताबिक गरियाबंद जिला म 25, धमतरी म 80, बलौबाजार म 84 अउ रायपुर जिला म 75, दुर्ग म 86, बालोद म 67, बेमेतरा म 66, राजनांदगांव जिला म 101, गौरेला-पेण्ड्रा-मरवाही म 25, जांजगीर-चांपा म 105, बिलासपुर म 76, मुंगेली म 62, कोरिया म 73, जशपुर म 70, बलरामपुर म 55, सरगुजा म 65, सूरजपुर म 56, कांकेर म 104, कोण्डगांव म 46, दंतेवाड़ा म 35, नारायणपुर म 6, बस्तर म 35, बीजापुर म 22 अउ सुकमा जिला म 52 गउठान स्वावलंबी बन चुके हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।