अंजोर.रायपुर, 06 जनवरी। छत्तीसगढ़ म शुरू होए कुपोषण मुक्ति अभियान के सकारात्मक परिणाम आगू आए हावयं। राष्ट्रीय परिवार स्वास्थ्य सर्वेक्षण-5 के 2020-21 म जारी रिपोर्ट के मुताबिक प्रदेश म 5 साल तक लइका के वजन के आंकड़ा देखे जाएं त कुपोषण के दर 6.4 प्रतिशत कम होके 31.3 प्रतिशत हो गे हावय। ये दर कुपोषण के राष्ट्रीय दर 32.1 प्रतिशत ले भी कम हावय।
वर्ष 2015-16 म जारी राष्ट्रीय परिवार स्वास्थ्य सर्वेक्षण-4 के मुताबिक प्रदेश म 5 साल तक के लइका म वजन के मुताबिक कुपोषण की दर 37.7 प्रतिशत अउ राष्ट्रीय कुपोषण दर 35.8 प्रतिशत रिहिस। साल 2020-21 के आंकड़ा के मुताबिक राष्ट्रीय कुपोषण के दर म जिहां सिर्फ 3.7 प्रतिशत के कमी आये अउ कुपोषण 32.1 प्रतिशत हावय, उहें छत्तीसगढ़ ह 6.4 प्रतिशत कमी लाने म सफलता पाये हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।