अंजोर.ए। बॉलीवुड के सुपरहिट फिलिम बजरंगी भाईजान म मुन्नी के किरदार सबो ल सुरता होही। हहो उही नानूक नोनी जेकर ऊपर सरी फिलिम ठाड़े रिहिस। सलमान खान अउ करीना कपूर के संग बजरंगी भाईजान म मुन्नी के रूप म हर्षाली मल्होत्रा के नंगत बड़ई करे रिहिस लोगन मन। अब अइसे आरो मिले हावय के उनला 12वां भारतरत्न डॉ बाबासाहेब अंबेडकर पुरस्कार 2022 ले नवाजे गे हावय।
हर्षाली मल्होत्रा ल उंकर बड़का बुता के सेती सिनेमा ले जुरे लोगन मन तो जेन बखत फिलिम आए रिहिस तभे मया आसीस देवत रिहिन। अब ये सम्मान ह मुन्नी के सिने करियर बर बड़का नाम अउ दाम के हावय। जब ले सोशल मीडिया म ये बात के शेयर होइस तब ले, गोठबात होवथे के मुन्नी के उमर कतेक हावय? का करत हावय बजरंगी भाईजान के मुन्नी? मुन्नी के अऊ कोन से फिलिम अवइया हावय। अब लोगन ये सबो सवाल के जवाब ओसरी पारी मिलही
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।