आंगनबाड़ी म कोरोनाकाल म तको मिलही रेडी-टू-ईट

अंजोर.रायपुर, 05 जनवरी। मुख्यमंत्री दाऊ भूपेश बघेल ह अइसे जिला जिहां कोविड संक्रमण के रोकथाम के खातिर आंगनबाड़ी अउ मिनी आंगनबाड़ी केन्द्र के बंद करिन गे हावय, उहां सबो श्रेणी के पात्र हितग्राही मन के रेडी-टू-ईट वितरण जारी रखे के निर्देश दे हावयं। येकर संग ही गर्भवती महतारी मन अउ 3 ले 6 साल के लइका के घर-घर जाके टिफिन बेवस्था के माध्यम ले गरम भोजन दे ल किहिन हावय। जानबा होवय के कोविड-19 के अभी के बेरा प्रसार के धियान म रखत होए राज्य सरकार ह कोरोना वायरस ले संक्रमण के रोकथाम बर  4 प्रतिशत ले जादा पॉजिटिविटी दर वाला जिला  म आंगनबाड़ी अउ मिनी आंगनबाड़ी केन्द्र के संचालन तुरते प्रभाव ले बंद रखे के निर्देश दे हावयं।