अंजोर.जांजगीर, 04 जनवरी। छत्तीसगढ़ व्यावसायिक परीक्षा मण्डल कोति ले छत्तीसगढ़ शिक्षक पात्रता परीक्षा (TET- 20) 9 जनवरी के दो पाली म आयोजित करे जाही। मिले आरो के मुताबिक 29 परीक्षा केन्द्र म परीक्षार्थी मनके बैठक व्यवस्था करे जात हावय। ये परीक्षा खातिर आने-आने विभागीय अधिकारी मनला परिवहन अधिकारी अउ पर्यवेक्षक के जिम्मेदारी सौंपे गे हावय।
कलेक्टर कोति ले जारी आदेश के अनुसार पूर्वान्ह 9.30 ले दोपहर 12.15 तक प्रथम पाली अउ दोपहर 2 बजे ले साम 4.45 तक दूसरा पाली के परीक्षा आयोजित होही। ये परीक्षा के सुव्यवस्थित आयोजन खातिर 7 जनवरी के 12 बजे ले टीसीएल कालेज म पर्यवेक्षक, केन्द्राध्यक्ष अउ परिवहन अधिकारी मनके बैठक रख गे हावय।
जिला म 29 परीक्षा केन्द्र - ये परीक्षा के लिए टीसीएल कालेज, जाज्वेल्यदेव नवीन कन्या कालेज, कृषि महाविद्यालय, शासकीय पालीटेक्निक, डाईट, शासकीय कन्या उमावि जांजगीर, शासकीय बहु. उमावि जांजगीर क्रमांक 2 खोखरा भांठा, शासकीय कन्या उमावि खोखरा, सरस्वती शिशु मंदीर उमावि नैला, ज्ञानदीप उमावि, ज्ञानभारती उमावि, ज्ञानोदय उमावि, ज्ञानज्योति उमावि, विवेकानंद उमावि, ज्ञान रोशनी लोक कल्याण संस्थान खोखरा, हरिराम गट्टनी मेमोरियल इंगलिस मीडियाम स्कूल जांजगीर, केशरी शिक्षण समिति खोखरा, शासकीय उमावि बनारी, शासकीय उमावि तिलई, शासकीय उमावि धुरकोट-चांपा, नवीन शासकीय महाविद्यालय नवागढ़, एसडीबीएड महाविद्यालय नवागढ़, पीजेएलएन महाविद्यालय नवागढ़, देल्ही पब्लिक स्कूल घुठिया, महारानी लक्ष्मीबाई शासकीय उमावि चांपा, शासकीय उमावि बरपाली-चांपा, सरस्वती शिशु मंदीर उमावि चांपा, लायंस इंगलिस उमावि चांपा अउ शासकीय उमावि नवागढ़ ल परीक्षा केन्द्र बनाये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।