जिला म एको सरकारी प्राथमिक अउ माध्यमिक स्कूल जर्जर अउ भवनविहीन नइ राहय अब : कलेक्टर

अंजोर.मुंगेली 18 जनवरी। कलेक्टर अजीत वसंत के अध्यक्षता म आज जिला कलेक्टोरेट के मनियारी सभा कक्ष म साप्ताहिक समय-सीमा के बइठक सम्पन्न होइस। बइठक म ओमन समय सीमा के लंबित प्रकरण के संबंध म अधिकारी मन ले वन-टू-वन जानकारी मिलके अउ निराकरण के संबंध म संबंधित ल जरूरी निर्देश दिसे। 

बइठक म कलेक्टर ह जिला म संचालित सरकारी प्राथमिक शाला अउ माध्यमिक शाला के भवन के बारे म जानकारी लिस। ओमन किहिन के रोजगार के मउका ले लेके अच्छा नागरिक के बनाये म शाला भवन के तको जरूरी भूमिका होथे। 

एकर बर जिला म एको सरकारी प्राथमिक अउ माध्यमिक शाला जर्जर अउ भवनविहीन नइ होना चाही। अतः ओमन सबोच जर्जर अउ भवन विहीन सरकारी प्राथमिक अउ माध्यमिक शाला के खातिर नवा  भवन बनाये के बात कहिन अउ जर्जर, भवन विहीन शाला के सूची उपलब्ध कराये के खातिर जिला शिक्षा अधिकारी ल निर्देश दिस।