अंजोर.राजनांदगांव 18 जनवरी। छत्तीसगढ़ राज्य ग्रामीण आजीविका मिशन के एनआरईटीपी परियोजना के तहत विकासखण्ड राजनांदगांव, डोंगरगांव अउ डोंगरगढ़ म संचालित वन स्टॉप फैसिलिटी सेंटर (ओएसएफ) ले उद्यम ल स्थापित करे म तकनीकी मदद करे के खातिर आवेदन आमंत्रित करे गे रिहिस। करार आखरी तिथि तक मिले आवेदन म ले पात्र-अपात्र उम्मीदवार मन के जांच के पाछु सूची जारी करे गे हावय।
जेकर अवलोकन कार्यालय जिला पंचायत राजनांदगांव अउ संबंधित जनपद पंचायत राजनांदगांव, डोंगरगांव अउ डोंगरगढ़ के सूचना पटल म कर सकत हावयं। मेंटर अउ फंक्शनल एक्सपर्ट के चयन बर पात्र उम्मीदवार मन के उद्यमिता विकास, टीम वर्क, समय प्रबंधन, बाजार मार्केटिंग के जानकारी अउ अगुवई क्षमता उक के आंकलन करे के खातिर कार्यालय, जिला पंचायत राजनांदगांव म 21 जनवरी 2022 के बिहनिया 11 बजे ले साक्षात्कार आयोजित करे गे हावय। जेमा सबो पात्र उम्मीदवार मन के शैक्षणिक योग्यता, बुता अनुभव ले संबंधित सबो सुसंगत दस्तावेज के मूलप्रति अउ छायाप्रति के संग उपस्थित होना अनिवार्य हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।