अंजोर.रायपुर,18 जनवरी। प्रदेश के नवोदित गायिका दीपिका अउ दीक्षा धनगर ल छत्तीसगढ़ के अन्नदान के महापरब छेरछेरा पुन्नी के मउका म छत्तीसगढ़ स्वाभिमान संस्थान अउ सोच विचार मीडिया डहर ले दुधाधारी मठ रायपुर के महंत रामसुन्दर दास जी के हाथ ले सम्मानित करे गिस। जानबा होवय के दूनों सिंगर बहिनी मन देश के सबले बड़का संगीत विश्वविद्यालय खैरागढ़ ले संगीत के शिक्षा ले हावय अउ लोक गायन के तको उंकर केऊ एल्बम के संग फिलिम तको अवइया हावय।
देश अउ प्रदेश के भीतर गजब अकन सम्मान ले सम्मानित दीपिका अउ दीक्षा धनगर ह गीतकार गोविंद धनगर जी ले लोक विधा के हुनर सीखे हावय। उंकर ये सम्मान बर प्रदेश के साहित्यकार चंद्रशेखर चकोर, जयंत साहू, घनश्याम वर्मा, सुदामा शर्मा, शिव चंद्राकर आदि मन बधाई दे हावय। ये मउका म उदयभान चौहान अउ रामेश्वर शर्मा जी मन मया आसीस दे खातिर जुरियाए रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।