स्वामी विवेकानन्द के जीवनी म भाषण प्रतियोगिता, संस्कृति ह विजेता मनला दिस प्रमाण-पत्र

अंजोर.रायपुर, 15 दिसम्बर। स्वामी विवेकानंद के जीवनी म राजधानी रायपुर के महंत घासीदास संग्रहालय सभागार म आज भाषण प्रतियोगिता आयोजित करे गिस। भाषण प्रतियोगिता म स्कूली छात्र-छात्रा मन ह बढ़-चढ़के हिस्सा लिस। जानबा होवय के महंत घासीदास संग्रहालय परिसर स्थित आर्ट गैलेरी म स्वामी विवेकानंद के जीवनी म आधारित 5 दिवसीय फोटो प्रदर्शनी लगाये गे हावय। प्रदर्शनी 17 दिसम्बर तक चलही। प्रतियोगिता म विवेकानन्द विद्यापीठ, कोटा, रायपुर के प्रदीप सायतोड़े पहिली अउ दीपेन्द्र बारले ल द्वितीय पुरस्कार अउ प्रो. जे.एन. पाण्डे स्कूल, रायपुर के खिलेश्वर साहू ल तृतीय पुरस्कार मिलिस।