'छै कोरी, छै आगर तरिया अऊ बूढ़ा नरवा' पुस्तक विमोचन करिस मुख्यमंत्री दाऊ भूपेश बघेल ह

अंजोर.रायपुर, 15 दिसम्बर। मुख्यमंत्री दाऊ भूपेश बघेल ह आज विधानसभा के अपन कार्यालय कक्ष म गोविन्द पटेल के डहर ले लिखित किताब “ छै कोरी, छै आगर तरिया अऊ बूढ़ा नरवा ” के विमोचन करिन। ए मउका म नगरीय प्रशासन मंत्री डॉ. शिव कुमार डहरिया, खाद्य मंत्री अमरजीत भगत, छत्तीसगढ़ राज्य गृह निर्माण मण्डल के अध्यक्ष कुलदीप जुनेजा अउ संसदीय सचिव चिंतामणि महाराज, मुख्यमंत्री के सलाहकार प्रदीप शर्मा भी उपस्थित रिहिस।

पटेल ह मुख्यमंत्री श्री बघेल ल बताइन के एमे दुर्ग जिला के धमधा विकासखण्ड म गोंड राजा के शासनकाल म खुदवाए गे 126 तरिया के जानकारी प्रकाशित करे गे हावय। जेमा उन तरिया के नाम, निर्माण वर्ष, खसरा नंबर, क्षेत्रफल अउ जलभराव के उल्लेख करे गे हावय। ए किताब के जरिए प्राचीन काल ले चले आत जल संरक्षण के परंपरा ल पुनर्जीवित करे के प्रयास करे गे हावय।