सृष्टि अक्षत अउ अली राईस मिल सील, धान उपार्जन आदेश के उल्लंघन अउ बैंक गारंटी जमा नइ करे म होइस कार्यवाही

अंजोर.कोण्डागांव, 15 दिसम्बर। केशकाल विकासखण्ड के गौरगांव स्थित सृष्टि अक्षत उद्योग राईस मिल अउ गारका के अली राईस मिल म धान उपार्जन आदेश के उल्लंघन बर कलेक्टर पुष्पेन्द्र कुमार मीणा के निर्देश म मिल के सील करे की कार्यवाही करे गिस। ए बर सबले पहिली संयुक्त कलेक्टर पवन कुमार प्रेमी के नेतृत्व म एसडीएम केशकाल डीडी मण्डावी, तहसीलदार आशुतोष शर्मा, जिला खाद्य अधिकारी दिनेश्वर प्रसाद, सहायक खाद्य अधिकारी अउ खाद्य निरीक्षक केशकाल डहर ले संयुक्त दल गठित करके गौरगांव के उद्योग पहुंच गे। जिहां मिल मालिक के उपस्थिति म पंचनामा तइयार करके मिल के दरवाज म ताला लगाके सील कर दे गिस। ए बखत मिल म 138 कट्टा धान भी रखे पाये गे।

जानबा हो के सृष्टि अक्षत राईस मिल म 04 दिसम्बर के दल डहर ले जांच करे गिस रिहिस। जेमा मिल संचालकों डहर ले छत्तीसगढ़ कस्टम मिलिंग धान उपार्जन आदेश 2016 की कंडिका 6 (1)(2)(3) अउ 12 के उल्लंघन पाये गे। जेकर तहत् आज मिल म कार्यवाही होइस। सृष्टि अक्षत उद्योग राईस मिल म अनुबंध मुताबिक कुल 112000 क्विंटल उठाव करे जाना रिहिस, जेमा अब तक डीओ के मुताबिक 85280 क्विंटल ही धान के उठाव करिन। जेकर मुताबिक जमा योग्य चांवल 57137.60 क्विंटल रिहिस। जेमा ले मिलर डहर ले 55032.02 क्विंटल ही जमा करिन। जबकि 2105.58 क्विंटल चांवल जमा कराना बांचे हावय। इही रकम ले अली राईस मिल डहर ले बैंक गारंटी जमा नइ करे गिस रिहिस अउ धान के उठाव बर अनुबंधित मात्रा के उठाव नइ करिन गे रिहिस। जेकर खातिर मिल म कार्यवाही करे गिस।