राजिम मेला म अवइया, साधु-संत के सुविधा के रखे जाही ख्याल, धर्मस्व ताम्रध्वज साहू ह नवा मेला ठउर ल देखिस

अंजोर.रायपुर। छत्तीसगढ़ के प्रसिद्ध राजिम माघी पुन्नी मेला के तइयारी सुरू हो गे हावय। नवा मेला जगह म आज छत्तीसगढ़ शासन के लोक निर्माण गृह, जेल, धर्मस्व अउ पर्यटन मंत्री श्री ताम्रध्वज साहू ह माघी पुन्नी मेला के तइयारी के जायजा लिस। ओमन मेला जगह म सुव्यवस्थित आवागमन के खातिर जमीन समतलीकरण, नदी के किनारे फोर लेन सड़क, पाथ-वे निर्माण सहित इहां आने वाला आगंतुक अउ साधु-संत मनके सुविधा के विशेष ख्याल रखे के निर्देश दिस।

मंत्री श्री साहू ह चौबे बांधा मार्ग म नवा मेला जगह बर चिन्हांकित 54 एकड़ भूमि म राजिम माघी पुन्नी मेला के तइयारी के अवलोकन करके स्थाई संरचना अउ विकास के खातिर करे के बुता के निरीक्षण करके जरूरी निर्देश दिस। मंत्री ह इहां अतिरिक्त संख्या म जेसीबी अउ ट्रैक्टर लगाके जमीन के समतलीकरण अउ लेबलिंग बुता के एक सप्ताह के भीतर पूरा करे के निर्देश दिस। ओमन विशेषज्ञ आर्किटेक्ट ले सरी मेला जगह के डिजाइन अउ लेआउट तइयार करात जगह ले नदी तक फोर-लेन सड़क अउ नदी के दुनों तनि पाथ-वे बनाये के निर्देश लोक निर्माण विभाग के दिस। ओमन भविष्य म पर्यटन, धर्म अउ मेला के देखत रखत स्थाई रूप ले विकास बुता सुनिश्चित करे के संग साधु-संत के खातिर स्थाई आवास, मंच, शिल्प, महिला समूह के खातिर स्थाई दुकान अउ अलग-अलग दिशा म अप्रोच रोड के खातिर भी प्लान बनाये के निर्देश दिस।