शीत-घात ले बचाव खातिर सलाह

अंजोर.रायपुर। ए समय देश अउ प्रदेश के आने-आने भाग म शीत लहर चलत हावय। ये सेती आम जन ल शीत-घात ले बचाव बर आपदा प्रबंधन विभाग डहर ले जनसामान्य ल सलाह दे गे हावय के आपातकालीन आपूर्ति जइसे भोजन, पानी, ईधन, बैटरी चार्जर, आपातकालीन प्रकाश अउ साधारण दवा के पहिली ले ही बेवस्था करे जाए।

घर म ठंडा हवा ल रोके बर दरवाज अउ खिड़की ल बंद रखे। फ्लू, नॉक बहना, भरी नाक या नाक बंद जइसे आने-आने बीमारी के संभावना आमतौर म ठंड म लंबा समय तक संपर्क म रेहे के सेती होत हावयं। ए रकम ले के लक्षण ले बचाव बर जरूरी सावधानी बरते अउ स्थानीय स्वास्थ्य कर्मी या डॉक्टर ले सलाह लें।

शीत-घात के दौरान, मौसम के जानकारी अउ आपातकालीन प्रक्रिया के जानकारी के बारीकी ले पालन करे अउ शासकीय एजेंसी के सलाह के मुताबिक बुता करें। जतका हो सके घर के अंदर रिहिन अउ ठंडा हवा, बारिश, बर्फ के संपर्क के रोके के खातिर कम यात्रा करें। एक परत वाला कपड़ा के जगह ढीली फिटिंग वाला परतदार हल्का कपड़ा, हवा रोधी, सूती बाहरी आवरण अउ गर्म ऊनी भीतरी कपड़ा पहने। तंग कपड़ा खून के बहाव के रोकथे ओकर से बचें। खुद ल सूखा रखे शरीर के गरमाहाट बनाये रखे बर अपन सिर, गर्दन, हाथ अउ पैर के उंगली ल पर्याप्त रूप ले ढके। गीला कपड़ा तुरते बदले। बिना उंगली वाला दस्ताना के प्रयोग करें। ये दस्ताना उँगली के गरमाहट बचाये रखे म मदद करथे। अपन ल बचाये के खातिर मुंह अउ नाक ढक करके रखें। कोविड-19 अउ आन संक्रमण ले बांचे खातिर बाहिर जात समय मास्क के उपयोग करें।