अंतरराष्ट्रीय दिव्यांग दिवस : दिव्यांग भाई-बहनी ल आगू बढ़ाये सुघ्घहर उदीम करे अपील करिस मुख्यमंत्री

अंजोर.रायपुर, 02 दिसम्बर। मुख्यमंत्री दाऊ भूपेश बघेल ह 3 दिसम्बर अंतर्राष्ट्रीय दिव्यांग दिवस के मउका म दिव्यांगजन के सुखद भविष्य के खातिर शुभकामना देत लोगन ले दिव्यांग भाई-बहननी ल आगू बढ़ाये के खातिर सकारात्मक वातावरण बनाये के अपील करे हावय। मुख्यमंत्री ह किहिन हावय के दिव्यांग दिवस के उद्देश्य दिव्यांग मनखे मन के खातिर समाज म समानता के वातावरण संग ही उंकर खातिर तरक्की अउ विकास के रद्दा सुनिश्चित करना हावय। शारीरिक अक्षमता के सेती कई बार दिव्यांग ल भेदभाव अउ उपेक्षा के शिकार होना परथे। एला दूरिहा करे के खातिर समाज म जागरूकता के जरूरत हावय। भावी पीढ़ी ल दिव्यांगता ले बचाये के खातिर हमन ल उंकर पोषण अउ स्वास्थ्य के प्रति भी जागरूक होए के जरूरत हावय।