राज्यपाल सुश्री अनुसुईया उइके ल राजगोंड महासभा ल राष्ट्रीय अधिवेशन के नेवता

अंजोर.रायपुर, 01 दिसंबर। राज्यपाल सुश्री अनुसुईया उइके ल राजभवन म अखिल राजगोंड महासभा के पदाधिकारी मन ह भेंट करके ओला कोण्डागांव म आयोजित होवइया राष्ट्रीय अधिवेशन के खातिर आमंत्रित करिन। ये सम्मेलन 4 अउ 5 फरवरी 2022 के गढ़माकड़ी कोण्डागांव म आयोजित करे जाही, जेमा नौ राज्य के आदिवासी सामिल होही। सम्मेलन म समाज ले जुड़े आने-आने विषय, संवैधानिक अधिकार उक के बारे म विशेषज्ञ वक्तव्य देही अउ समाज के लोगन के बीच अंतर्संवाद होही। ए मउका म नीलकरण राज ठाकुर, संतलाल पोयाम, सुलभचंद्र नाग, पुष्पेन्द्र सिंह, तुलस पन्द्राम उपस्थित रिहिस।