मेजर ध्यानचंद के पुण्यतिथि म ओला नमन करिन मुख्यमंत्री

अंजोर.रायपुर, 03 दिसंबर। मुख्यमंत्री दाऊ भूपेश बघेल ह हॉकी के जादूगर मेजर ध्यानचंद के पुण्यतिथि म ओला नमन करिन हावय। मेजर ध्यानचंद के उपलब्धि अउ देश के खातिर उंकर अमूल्य योगदान के सुरता करत श्री बघेल ह किहिन हावय के मेजर ध्यानचंद के खेल के प्रति समर्पण अउ देश प्रेम के भावना हम सबके खातिर प्रेरणास्पद हावय। मेजर ध्यानचंद के जादुई खेल ले भारत ल ओलंपिक खेल म तीन स्वर्ण पदक हासिल होए हावयं। ओला भारत सरकार डहर ले देश के तीसरा सबले बड़े सिविलियन अवार्ड पद्म भूषण ले सम्मानित करे गे हावय। मुख्यमंत्री ह किहिन के मेजर ध्यानचंद अपन हॉकी के प्रति समर्पण, प्रेम अउ अनुशासन ले भारत म हॉकी के पहचान बन गे हावयं।