धान उपार्जन केन्द्र कठिया के निरीक्षण करिन खाद्य सचिव टोपेश्वर वर्मा

अंजोर.रायपुर, 03 दिसम्बर। राज्य शासन म खाद्य, नागरिक आपूर्ति अउ उपभोक्ता संरक्षण विभाग के सचिव टोपेश्वर वर्मा ह आज बेमेतरा जिला ले धान उपार्जन केन्द्र कठिया के निरीक्षण करिन। सचिव श्री वर्मा ह उपस्थित अधिकारी मन ले किहिन के धान ख़रीदी केन्द्र म किसान मन के धान बेचे म कोनो परेशानी नी हो येकर पूरा धियान रखे जाए। ओमन ए बखत धान उपार्जन केन्द्र पहुँचे किसान मन ले धान खरीदी बेवस्था के संबंध म गोठबात करिस। किसान मन ह बताइन के इहां ए धान खरीदी केन्द्र म सबो जरूरी बेवस्था करे गे हावय। किसान मन डहर ले जारी टोकन म दे तारीख अउ दिन के हिसाब ले केंद्र पहुंच के अपन धान बेचत रिहिन हावयं। ए मउका म जिला खाद्य अधिकारी सहित आन संबंधित अधिकारी अउ कर्मचारी उपस्थित रिहिस।