राईस मिलर ल कस्टम मिलिंग खातिर प्रोत्साहन रकम अब 120 रूपिया प्रति क्विंटल करिस मुख्यमंत्री

अंजोर.रायपुर, 01 दिसंबर। मुख्यमंत्री दाऊ भूपेश बघेल ह आज संझा छत्तीसगढ़ प्रदेश राइस मिलर्स एसोसिएशन के पदाधिकारी मन अउ खाद्य विभाग के अधिकारी मन के संयुक्त बइठक म राज्य म धान के कस्टम मिलिंग के तइयारी के समीक्षा करिस। ओमन राज्य म खरीफ विपणन साल 2021-22 म समर्थन कीमत म धान खरीदी बेवस्था के तहत सुव्यवस्थित कस्टम मिलिंग के खातिर राइस मिलर ल प्रोत्साहन रकम ल बढ़ाके अब 120 रूपिया प्रति क्विंटल करे  जाये के ऐलान करिन। श्री बघेल ह आज अपन निवास कार्यालय म आयोजित बइठक म राइस मिलर एसोसिएशन के आने-आने समस्या म भी गोठबात करिस अउ उंकर निराकरण के खातिर दिशा-निर्देश दिस।