किसान मनला अब बारदाना खातिर मिलही 25 रूपिया, मुख्यमंत्री के निर्देश म खाद्य विभाग ह 18 रूपिया ले बढ़ाके करिस 25 रूपिया

अंजोर.रायपुर, 01 दिसम्बर। मुख्यमंत्री दाऊ भूपेश बघेल के निर्देश म किसान मन ल अब जुन्ना बारदाना के बदला म 25 रूपिया के भुगतान करे जाही। ए  संबंध म खाद्य विभाग डहर ले  आज आदेश जारी कर दे गे हावय। इहां ये जानबा होवय के समर्थन कीमत म धान खरीदी के खातिर किसान मन ल अपन बारदाना म धान लाने के छूट राज्य शासन डहर ले दीस हावय। किसान मन डहर ले स्वयं के बारदाना म लाए गे धान के खरीदी के संग ओला जुन्ना बारदाना के एवज म पहिली म 18 रूपिया के भुगतान करे जावे। मुख्यमंत्री दाऊ भूपेश बघेल के निर्देश म बारदाना के पहिली करार दर प्रति नग 18 रूपिया ल बढ़ाके अब 25 रूपिया करके दे गे हावय।