भूपेश सरकार के तीन साल पूरा होए म रन फ़ॉर सीजी प्राइड, स्लोगन, फ़ोटोग्राफ़ी अउ रील प्रतियोगिता

 

अंजोर.रायपुर, 9 दिसम्बर। 17 दिसम्बर 2021 के छत्तीसगढ़ सरकार के तीन साल पूरा होए के उपलक्ष्य म राज्य सरकार डहर ले आने-आने कार्यक्रम अउ प्रतियोगिता आयोजित करे जात हावय। आयोजन के ए श्रृंखला म रन फ़ॉर सी जी प्राइड, स्लोगन प्रतियोगिता, फोटोग्राफी प्रतियोगिता अउ रील प्रतियोगिता के आयोजन करे जात हावय।

रन फ़ॉर सीजी प्राइड दौड़ के आयोजन 14 दिसम्बर के आयोजित करे जाही। एमे सामिल होए के आखरी पंजीयन तिथि 12 दिसम्बर हावय, अउ बांचे तीन प्रतियोगिता के आखरी तिथि 15 दिसम्बर हावय। ए साहित्यिक अउ अनूठा आयोजन म अपन सहभागिता सुनिश्चित कर सकत हावयं। कार्यक्रम के सरी विवरण अउ पंजीयन के जानकारी https://www.cgmodel.in म देख सकत हावयं। कार्यक्रम म सामिल होवइया प्रतिभागी ल ये वेबसाइट म जाके अपन नाम, पता, मोबाइल नंबर, उमर उक दर्ज करना होही।