अंजोर.रायपुर 9 दिसंबर। तेंदुआ नवा रायपुर के नवा बने इंस्टीट्यूट ऑफ ड्राइविंग एंड ट्रैफिक रिसर्च ;आईडीटीआरद्ध के लोकार्पण के खातिर पहुंचे मुख्यमंत्री दाऊ भूपेश बघेल ह ए बखत सरोना के शेल्टर होम म रिहिके पढ़ाई करत थर्ड जेंडर के युवा मनले भी सबांधित करिस।
मुख्यमंत्री ह थर्ड जेंडर युवा मन ले गोठबात करिस अउ ओला आगू पढ़ाई करे के खातिर प्रोत्साहित भी करिन। थर्ड जेंडर के युवा मन ह मुख्यमंत्री के संग सेल्फी भी लिस। उहें इंस्टीट्यूट ऑफ ड्राइविंग एंड ट्रैफिक रिसर्च के लोकार्पण कार्यक्रम के बखत मुख्यमंत्री श्री बघेल ह थर्ड जेंडर के खातिर ड्राइविंग स्किल ट्रेनिंग के फीस म 50 फीसदी तक छूट दे की घोसना मंच ले करिस। ए घोसना म ट्रांसजेंडर अउ थर्ड जेंडर समुदाय ह मुख्यमंत्री श्री बघेल के धन्यवाद ज्ञापित करत आभार जताइस। येकर अलावा मुख्यमंत्री ह आईडीटीआर म ट्रेनिंग के खातिर पहुंचे आन युवा उम्मीदवार मन ले भी मुलाकात करके उंकर अनुभव जानिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।