विजय दिवस म वीर जवान मन ल नमन करिस मुख्यमंत्री

अंजोर.रायपुर, 15 दिसम्बर। मुख्यमंत्री दाऊ भूपेश बघेल ह प्रदेशवासी मन ल विजय दिवस के शुभकामना देत देश के वीर जवान मन के शौर्य अउ पराक्रम ल नमन करिन। श्री बघेल ह किहिन हावय के भारत अउ पाकिस्तान के बीच 1971 म होए युद्ध म पहिली प्रधानमंत्री भारत रत्न श्रीमती इंदिरा गांधी के निर्देशन अउ फील्ड मॉर्शल मॉनेक शॉ के नेतृत्व म भारतीय सेना ह शौर्य अउ बलिदान के सर्वोच्च  परम्परा के निर्वाह करत होए अदम्य साहस दिखाये। 

युद्ध म 16 दिसम्बर के दिन भारतीय जवान मन के जीत होए अउ पाकिस्तान के हजार सैनिक ह आत्मसमर्पण करिन। येकर परिणामस्वरूप पाकिस्तान के विभाजन ले विश्व पटल म एक नवा देश बांग्लादेश के उदय होइस। ये श्रीमती इंदिरा गांधी जी के दृढ़ निश्चय अउ पराक्रमी नेतृत्व के कमाल रिहिस। इंदिरा जी न डरींस, न सैनिक के हौसला कम होन दिस। ए जीत ह हर भारतीय के गौरवान्वित करिन। देश सदा ये वीर सपूत के ऋणी रइही।