ई-श्रम कारड बनाये म गरियाबंद जिला प्रदेश म पहिली ठऊर म

अंजोर.गरियाबंद 15 दिसम्बर। असंगठित कर्मकार पंजीयन ई-श्रम पोर्टल म करे जात हावय। जिला म मिले 1 लाख 22 हजार 692 मजदूर के पंजीयन लक्ष्य के विरूद्ध 14 दिसम्बर 2021 तक कुल 2 लाख 8 हजार 308 ई-श्रम कारड पजीयन करके जिला पूरा प्रदेश म पहिली ठऊर  म हावय अउ लक्ष्य के विरूद्ध 169.8 प्रतिशत् के उपलब्धि मिल चुके हावय। 

कलेक्टर निलेश क्षीरसागर के अध्यक्षता म अतिशीघ्र पंजीयन अउ लक्ष्य प्राप्ति बर जिला स्तरीय निगरानी समिति के गठन करे गे हावय। कलेक्टर डहर ले करार समयावधि म शत-प्रतिशत् पंजीयन बर निर्देश दे गे रिहिस। कलेक्टर के कुशल निर्देशन म श्रम विभाग, ई-डिस्ट्रीक्ट मैनेजर अउ आन विभाग के सहयोग ले गरियाबंद जिला समय ले पहिली ही करार लक्ष्य हासिल करके लिस हावय। संग ही समिति के सदस्य मन के सहयोग ले विकासखण्डवार अउ ग्राम-पंचायतवार पंजीयन बर शिविर लगाके गरियाबंद जिला के मिले लक्ष्य 122692 के करार तिथि 31 दिसम्बर के पहिली ही पूरा करके ले गे हावय।

जानबा होवय के कलेक्टर डहर ले पंजीयन के संबंध म विशेष संज्ञान लेवत होए दिन म पोर्टल म हो रिहिन समस्या के देखत होए विशेष रूप ले सबो गांव पंचायत मन म रातपाली शिविर लगाये के निर्देश दे गे रिहिस। जेन म अमल करत मिले लक्ष्य के पूरा करत समय पहिली ही ये उपलब्धि हासिल करे गिस हावय।