अंजोर.धमतरी। पुलिस अधीक्षक धमतरी प्रफुल्ल कुमार ठाकुर ह सबो सहायक आरक्षक मनके मीटिंग लेके उंकर समस्या ले रुबरु होवत अउ समस्या के लघियात निराकरण के खातिर संबंधित के निर्देश दिस। ये मउका म ओमन ल छुट्टी, वेतन भत्त अउ कटौती के बारे म विस्तार ले जानकारी दीस।
पुलिस अधीक्षक डहर ले ये भी किहिन के यदि कोनो भी समस्या आत हावय त लोगन मोला तुरते आके मिल सकत हावयं, मैं पूरा कोशिश करहूं के समस्या के निराकरण हो सके। पुलिस अधीक्षक धमतरी डहर ले अपन अधीनस्थ अधिकारी कर्मचारी मन के समस्या के लेके सरलग निराकरण के प्रयास करे जाते हावयं। मीटिंग म अनु.अधिकारी नगरी मयंक रणसिंह,रक्षित निरीक्षक के देवराजू,निरीक्षक धमतरी अउ पुलिस कार्यालय ले मुख्य लिपिक मानसिंह साहू,स्टेनो अखिलेश शुक्ला,स्थापना प्रभारी लक्ष्मी ध्रुव, वेतन प्रभारी सनत वर्मा, आंकिक चन्द्र भूषण अउ कार्यालय के अधिकारी, कर्मचारी उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।