छत्तीसगढ़ संस्कृति परिषद म अशासकीय सदस्य के होइस मनोनयन : विजय गुप्ता, भूपेश तिवारी, सुश्री सरिता वर्मा, भूपेन्द्र साहू, पदमश्री ममता चन्द्राकर, कालीचरण यादव, सुश्री बसंती वैष्णव बनिस सदस्य

अंजोर.रायपुर, 28 नवम्बर। मुख्यमंत्री दाऊ भूपेश बघेल के घोसना के मुताबिक संस्कृति विभाग के आने-आने प्रभाग ल एक संग मिझारे खातिर छत्तीसगढ़ संस्कृति परिषद के गठन करे गे हावय। मुख्यमंत्री के अध्यक्ष म गठित छत्तीसगढ़ संस्कृति परिषद के खातिर अशासकीय क्षेत्र के 15 सदस्य मन के मनोनयन करे गे हावय। ए आशय के आदेश मंत्रालय, महानदी भवन नवा रायपुर स्थित संस्कृति विभाग डहर ले जारी कर दे हावय। शासन द्वार जारी आदेश मुताबिक नामांकित सदस्या म राज्य के साहित्य अउ कला क्षेत्र ले संबंधित मनखे विजय गुप्ता अम्बिकापुर साहत्य के क्षेत्र, भूपेश तिवारी कोण्डागांव आदिवासी लोककला के क्षेत्र, सुश्री सरिता वर्मा भिलाई चित्रकला-मूर्तिकला के क्षेत्र, भूपेन्द्र साहू रायपुर नाट्यकला के क्षेत्र, पदमश्री ममता चन्द्राकर, कुलपति इंदिरा कला संगीत विश्वविद्यालय खैरागढ़ शास्त्रीय-लोक संगीत के क्षेत्र, कालीचरण यादव बिलासपुर अउ सुश्री बसंती वैष्णव रायगढ़ नृत्य के क्षेत्र के सदस्य के रूप म सामिल करे गे हावय। इही रकम ले कला साहित्य म रूचि रखे वाला छत्तीसगढ़ ले भारतीय संसद म निर्वाचित सदस्य दीपक बैज सांसद बस्तर के भी सदस्य नामांकित करे गे हावय।

जानबा होवय के परिषद के कुल 6 प्रभाग हावय, जेमे साहित्य अकादमी म पदुमलाल पुन्नालाल बख्शी पीठ श्रीकांत वर्मा पीठ अउ गुरूघासीदास शोध पीठ होही। साहित्य अकादमी के ये तीनों पीठ के अध्यक्ष भी परिषद के सदस्य होही। बांचे आन 5 प्रभाग के सदस्य होही। साहित्य अकादमी के अध्यक्ष ईश्वर सिंह दोस्त, पिथौरा-भोपाल, पदुमलाल, पुन्नालाल बख्शी पीठ के ललित कुमार भिलाई, श्रीकांत वर्मा पीठ के रामकुमार तिवारी बिलासपुर, आदिवासी अउ लोककला अकादमी के अध्यक्ष नवल शुक्ल अम्बिकापुर, कला अकादमी के अध्यक्ष योगेन्द्र त्रिपाठी खैरागढ़-भिलाई अउ अध्यक्ष डहर ले मनोनित दू सदस्य विनोद वर्मा रायपुर अउ जयंत देशमुख रायपुर ल भी परिषद के सदस्य मनोनित करे गे हावय। ये मनोनित सदस्य के कार्यकाल दू साल के खातिर करार होही।