मां महामाया सहकारी शक्कर कारखाना म गन्ना पेराई के शुभारंभ करिस मंत्री श्री टी.एस. सिंहदेव, तीन लाख मीट्रिक टन गन्ना पेराई के लक्ष्य

अंजोर.रायपुर, 29 नवम्बर। पंचायत अउ ग्रामीण विकास मंत्री टी.एस. सिंहदेव अउ सहकारिता मंत्री डॉ. प्रेमसाय सिंह टेकाम ह आज सुरजपुर जिला के विकासखण्ड प्रतापपुर के गांव केरता म मां महामाया सहकारी शक्कर कारखाना म गन्ना पेराई सत्र 2021-22 के शुभारंभ विधिवत पूजा-पाठ करके करिन। ए मउका म संसदीय सचिव पारसनाथ राजवाड़े तको उपस्थित रिहिस।

मंत्री श्री टी.एस. सिंहदेव ह ए मउका म आयोजित कार्यक्रम म किहिन के किसान मन के हित म सरकार सरलग प्रयास करत हावय। राज्य सरकार ह गन्ना के दर 355 रूपिया प्रति क्वींटल तय करे हावय। ओमन किहिन के किसान मन के अपन आर्थिक स्थिति मजबूत करे के खातिर वैकल्पिक कृषि करे के जरूरत हावय। मंत्री श्री सिंहदेव ह किहिन के शक्कर कारखाना म गन्ना के आपूर्ति के खातिर किसान बड़ संख्या म अपन खेत म येकर उत्पाशदन करके लाभ उठा सकत हावयं।

प्रतापपुर के गांव केरता म मां महामाया सहकारी शक्कर कारखाना म गन्ना पेराई सत्र 2021-22 के शुभारंभ विधिवत पूजा-पाठ करके करिन। ए मउका म संसदीय सचिव पारसनाथ राजवाड़े भी उपस्थित रिहिस। कारखाना स्थापना ले क्षेत्र के गन्ना उत्पादक किसान मनके जीवन स्तर म सुधार आये हावय। कारखाना के पेराई सत्र अउ मरम्मत बुता के बखत प्रति दिन आस-पास के गांव के लगभग 300-400 मजदूर, बेरोजगार ल रोजगार उपलब्ध कराइन। येकर ले उंकर आर्थिक स्थिति म सुधार होइस हावय। कारखाना म 20 केएलपीडी ईथेनॉल प्लांट स्थापना बर बसंतदादा शर्करा संस्थान पुणे ले डीपीआर तइयार कराये जा चुके हावय। राज्य शासन ले येकर प्रस्ताव स्वीकृत करे हावय, जेकर ले संस्था के आय म अऊ लाभ अर्जित होही। कारखाना म 6 मेगावाट को-जनरेशन पावर प्लांट स्थापना बर राज्य शासन ले 2 करोड़ 2 लाख अंशपूंजी के रूप म स्वीकृत करे गे हावय। कारखाना म 20 हजार मीट्रिक टन के नवा स्थायी शक्कर गोदाम निर्माण अउ 5 हजार मीट्रिक टन मोलासिस टैंक निर्माण बुता के भूमिपूजन मंत्री श्री डॉ. प्रेमसाय सिंह टेकाम डहर ले करे जा चुके हावय।

गन्ना पेराई सत्र 2020-21 म जिला सरगुजा, सूरजपुर अउ बलरामपुर के 15 विकाख खण्ड ले गन्ना रकबा 8689.846 हेक्टेयर ले 03 लाख मीट्रिक टन पेराई करे के लक्ष्य रखे गे रिहिस। जेकर विरूद्ध म गन्ना उत्पादक 10,600 किसान मनले कुल 2 लाख 2 हजार 617 मीट्रिक टन गन्ना के खरीदी करे गिस। गन्ना खरीदी म 270. 75 रूपिया प्रति क्विंटल के दर ले गन्ना कीमत रकम 54 करोड़ 86 लाख रूपय भुगतान किसान मनके बैंक खाता के माध्यम ले कर दे गे हावय। किसान मन के राज्य शासन डहर ले रकम 12 करोड़ 18 लाख 7 हजार 422 रूपिया के गन्ना बोनस के भुगतान करे जा चुके हावय।

गन्ना पेराई सत्र 2021-22 म जिला- सूरजपुर, सरगुजा (अम्बिकापुर) अउ बलरामपुर के तीन जिला के 17 विकास खण्ड ले गन्ना रकबा 9,374.874 हेक्टेयर ले तीन लाख मीट्रिक टन गन्ना पेराई करे के अनुमानित लक्ष्य रखे गे हावय। पंजीकृत 15 हजार 310 किसान मनले गन्ना बिसाये जाही। गन्ना पेराई साल 2021-22 के खातिर उचित अउ लाभकारी कीमत के निर्धारण दर रिकव्हरी प्रतिशत 9.5 म करार रूपिया 275.50 प्रति क्विंटल हावय। राज्य शासन डहर ले गन्ना प्रोत्साहन रकम रूपिया 79.50 प्रति क्विंटल कुल 355 प्रति क्विंटल भुगतान करे जाही, संग ही रिकव्हरी 9.5 ले जादा होए म 0.1 म 2.90 रूपिया प्रति क्विंटल अतिरिक्त गन्ना कीमत भुगतान करे जाही।