मिनी माता सम्मान खातिर आवेदन 10 अक्टूबर तक

अंजोर.कोरिया 08 अक्टूबर। छत्तीसगढ़ शासन द्वारा मिनीमाता सम्मान (महिला उत्थान) के खातिर जबर बुता करइया महिला मनल आवेदन 10 अक्टूबर तक आमंत्रित करे गे हावय। हेतु पात्र अभ्यर्थी अपन आवेदन जिला कार्यक्रम अधिकारी महिला अउ बाल विकास विभाग के कार्यालय म जमा कर सकत हावय। जिला कार्यक्रम अधिकारी महिला अउ बाल विकास विभाग ले मिले जानकारी के अनुसार ये सम्मान महिला, विशेष रूप ले अनुसूचित जाति, जनजाति, अन्य पिछड़ा वर्ग अउ अल्पसंख्यक वर्ग के महिला मनला प्रतिवर्ष प्रदान करे जाथे। जेकर तहत कोनो एक महिला या संस्था ल दू लाख रूपिया के राशि, प्रशस्ति पट्टिका सम्मान के तौर म दिये जाये के प्रावधान हावय। अऊ जादा जानकारी खातिर जिला कार्यक्रम अधिकारी महिला अउ बाल विकास विभाग के कार्यालय ले संपर्क करे जा सकत हावय।