नेशनल ट्राईबल डांस फेस्टिबल म भाग ले बर सांस्कृतिक दल के पंजीयन 17 अक्टूबर तक, जिला अउ संभाग स्तरीय आयोजन 19 के 20 अक्टूबर के होही

अंजोर.अम्बिकापुर 08 अक्टूबर। सहायक आयुक्त आदिवासी विकास विभाग अम्बिकापुर जे.आर. नागवंशी ह बताइन के नेशनल ट्राईबल डांस फेस्टिबल 2021 के राज्य स्तरीय कार्यक्रम के आयोजन 28 अक्टूबर ले 30 अक्टूबर 2021 तक राजधानी रायपुर म आयोजित होना हावय। कार्यक्रम म भाग ले बर आदिवासी लोक नर्तक दल के पंजीयन कराना होही। एकर बर इच्छुक दल संबंधित मुख्य कार्यपालन अधिकारी जनपद पंचायत कार्यालय म 17 अक्टूबर 2021 तक पंजीयन करा सकत हावयं। जरूरी जानकारी बर संबंधित मुख्य कार्यपालन अधिकारी जनपद पंचायत या सहायक आयुक्त आदिवासी विकास अम्बिकापुर मोबाईल नम्बर 7974643450 ले सम्पर्क कर सकत हावयं।

सहायक आयुक्त ह बताइन हावय के जिला स्तरीय आदिवासी नृत्य स्पर्धा के आयोजन 19 अक्टूबर के अउ संभाग स्तरीय आदिवासी नृत्य स्पर्धा के आयोजन 20 अक्टूबर के राजीव गांधी शासकीय स्नातकोत्तर कॉलेज अम्बिकापुर स्थित मैदान म बिहनिया 11 बजे ले करे जाही। आदिवासी लोकनृत्य के तहत् दल के 10 मिनट प्रति दल प्रदर्शन बर मउका दे जाही। नृत्य प्रतियोगिता विवाह, फसल कटाई, पारंपरिक त्यौहार, ओपन कैटेगरी अउ आन थीम म आधारित होही। सबोच सांस्कृतिक दल म कम से कम 20 ले 25 प्रतिभागी तक होना अनिवार्य हावय। सबो प्रतिभागी अपन पारंपरिक वेशभूषा ले सुसज्जित हो। सांस्कृतिक दल के चयन कलेक्टर सरगुजा के मार्गदर्शन म करे जाही।

जिला स्तरीय कार्यक्रम म चयनित 03 आदिवासी सांस्कृतिक दल संभाग स्तरीय प्रतियोगिता म सामिल होही। विजेता सांस्कृतिक दल के राज्य स्तरीय कार्यक्रम के खातिर नामांकित करे जाही। संभाग स्तर म चयनित पहिली विजेता सांस्कृतिक दल के अतिरिक्त द्वितीय अउ तृतीय सांस्कृतिक दल के सामान्य रूप ले कार्यक्रम प्रस्तुति बर भेजे जाही। जिला स्तरीय प्रतियोगिता म विशेष पिछड़ी जनजाति के नर्तक दल के कार्यक्रम म विशेष रूप ले सामिल करे जाही।