अंजोर.धमतरी,17 अक्टूुबर। पुलिस कोति ले मिले आरो के मुताबिक सायबर सेल अउ थाना प्रभारी रुद्री ह मुखबिर के सूचना के तस्दीक करत मोटरसाइकिल म दू आदमी ल तेंदुआ के खाल रख के बेचे खातिर गिराहिक खोजत पकड़े हावय। पुलिस के बताती ग्राम बरारी-कुकरेल के मां लोलरदाई मंदिर तिराहा के पास घेराबंदी के दू आरोनी ल पकड़े गे हावय। जेमा रघुनाथ निषाद पिता नरसिंह निषाद उम्र 22 वर्ष साकिन खिलौली थाना कुंदई जिला रायघर (उड़ीसा) अउ विमल यादव पिता सियाराम यादव उम्र 26 वर्ष साकिन मौहानाला चट्टानपारा थाना शोभा मैनपुर जिला गरियाबंद के रहइया आए। एक नग तेंदुआ के खाल कीमती करीबन 10 लाख रुपिया ल जप्त करके आरोपी मनके विरुद्ध थाना रुद्री म वन्य प्राणी संरक्षण अधिनियम के धारा 9, 39(1)(2)(3), 51, 52 अउ लोक संपत्ति नुकसान निवारण अधिनियम के धारा 3 अउ धारा 34 भादवि के तहत अपराध पंजीबद्ध कर विवेचना म लिये गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।