अंजोर.रायपुर, 08 अक्टूबर। मुख्यमंत्री दाऊ भूपेश बघेल ह किहिन हावय के कृषि के विकास अउ किसान मन के कल्याण छत्तीसगढ़ सरकार के पहिली प्राथमिकता हावय। कृषि के क्षेत्र म नवा तकनीक के विकास अउ एला किसान मन तक पहुंचाये के बुता म इंदिरा गांधी कृषि विश्वविद्यालय जरूरी भूमिका निभात हावय। छत्तीसगढ़ के कृषि जिनिस के निर्यात के बढ़ावा दे म आज ले कृषि विश्वविद्यालय म सुरू होत फाईटोसेनेटरी लैब के जरूरी योगदान होही। गांव के रूरल इंडस्ट्रियल पार्क म अब कृषि वैज्ञानिक डहर ले विकसित प्रसंस्करण तकनीक के उपयोग करे जाही। गउठान म गोबर ले जैविक खातु के निर्माण, बिजली उत्पादन अउ वैल्यू एडीशन के बुता म वैज्ञानिक अनुसंधान अउ तकनीक के उपयोग के बढ़ावा दे जात हावय।
मुख्यमंत्री श्री बघेल आज इंदिरा गांधी कृषि विश्वविद्यालय ले लगभग 30 करोड़ रूपिया के लागत ले बने भवन अउ आन अधोसंरचना के लोकार्पण करे के बाद कार्यक्रम ल सम्बोधित करत रिहिस। ए मउका म ओमन इंदिरा गांधी कृषि विश्वविद्यालय परिसर स्थित नवा बने कृषि विज्ञान केन्द्र भवन, अक्ती जैवविविधता संग्रहालय, नवा बने नॉलेज सेंटर भवन अउ रिकार्डिंग स्टूडियो अउ फाइटोसेनेटरी प्रयोगशाला के लोकार्पण के संग वर्चुअल रूप ले उद्यानिकी कॉलेज जगदलपुर अउ कृषि कॉलेज रायगढ़ के नवा बने कॉलेज भवन, बालक छात्रावास अउ कन्या छात्रावास भवन अउ 16 कृषि कॉलेज मन म बने ई-क्लास रूम के लोकार्पण करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।