सब्जी थरहा लगाये बर नवा सीडलिंग मशीन लगिस, नाम मात्र के शुल्क देके उगा सकत हाबे किसान मन थरहा

अंजोर.रायपुर, 23 अक्टूबर। छत्तीसगढ़ राज्य के किसान उद्यान विभाग के जरिए खेती-किसानी के आधुनिक अउ नवीनतम तकनीक नवा सीडलिंग मशीन के पूरा जानकारी लेके ओकर लाभ उठाये लगे हावयं। बलौदाबाजार-भाटापारा जिला के शासकीय रोपणी सिमगा म ए तकनीक के प्रयोग सफलतापूर्वक करिन। 

सब्जी बीजहा ले थरहा (पौधा नर्सरी) तइयार करे के नया सीडलिंग मशीन सिमगा के उद्यान विभाग के शासकीय रोपणी म लगाये के हावय। ए मशीन के जरिये थरहा तइयार करे म 90 ले 95 प्रतिशत तक बीजहा के अंकुरण होथे अउ स्वस्थ पौधा मन तइयार होवत हावयं। आम किसान भी नाममात्र के शुल्क देके ए सुविधा के लाभ उठा सकत हावयं। सहायक संचालक उद्यान राघव स्वरूप वर्मा ह बताइन के ए अत्याधुनिक विधि ले थरहा बहुत जल्दीद तइयार हो जाते हावयं। जमीन ले थरहा तइयार करे म 70 ले 80 प्रतिशत ही बीज म अंकुरण हो पात हावय, जेकर रोपाई करत तक मात्र 60-65 प्रतिशत तक ही बचथे। मिनी प्लग यूनिट ले तइयार करे जाये वाला सब्जी के पौधा रोगरहित अउ उच्च गुणवत्ता वाला होथे। ओमन किसान मन ल जानकारी देत बताइन के खरीफ धान के बाद जेन भी किसान ये यूनिट ले सब्जी पौधा मन के थरहा तइयार करवाना चाहते हावयं, शासकीय उद्यान रोपणी सिमगा म स्वयं के बीजहा देके थरहा तइयार करवा सकत हावयं। येकर खातिर प्रति पौधा 80 पइसा शुल्क करार करे गे हावय। पौधा मन के थरहा घर तक पहुंचाके दे जाही।