अंजोर.सूरजपुर,10 सितम्बर। भटगांव विधानसभा क्षेत्र ले लटोरी मुख्यालय म विधायक अउ छत्तीसगढ़ शासन म संसदीय सचिव पारसनाथ राजवाड़े ह वाटर एटीएम के लोकार्पण करिन। क्षेत्र म आम लोगन डहर ले पाछु दिन साफ पीये पानी बर वाटर एटीएम के मांग क्षेत्रीय विधायक ले करे रिहिस, जेन म विधायक डहर ले समस्या ल गंभीरता ले लेवत जिला प्रशासन ले गोठबात करके सी.एस.आर. मद ले वाटर एटीएम के स्वीकृति देवाइस।
वॉटर एटीएम के स्थापित हो जाये ले स्थानीय मनला सस्ता दर म साफ पानी मिल सकही। वाटर एटीएम लोकार्पण कार्यक्रम के बखत ब्लॉक कांग्रेस कमेटी के अध्यक्ष गोवर्धन सिंह, वरिष्ठ कांग्रेसी नेता अयोध्या प्रसाद जायसवाल, दुर्गा शंकर दीक्षित, राजू सिंह, युवा नेता अर्जुन देवांगन, बुधराम राजवाड़े, शिव राजवाड़े, कृष्णा कुशवाहा, सत्यवान नाहक, दिनेश राजवाड़े, नरेंद्र यादव अउ आन स्थानीय जन उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।