अंजोर.रायपुर, 17 सितम्बर। स्वास्थ्य अउ परिवार कल्याण विभाग म खाली 3 हजार 948 पद म सोज भरती के खातिर वित्त विभाग डहर ले सहमति दे गे हावय। राज्य शासन डहर ले लघियात ही ये पद म भरती के खातिर प्रक्रिया शुरू हो जाही। मंत्रालय महानदी ले स्वास्थ्य अउ परिवार कल्याण विभाग डहर ले ए संबंध म संचालक स्वास्थ्य सेवा के चिट्ठी जारी कर दे हावय। जानबा होवय के राज्य सरकार जन सुविधा के देखत रखत स्वस्थ्य क्षेत्र के मजबूत करे के प्रयास करे हावय।
राज्य शासन डहर ले संचालनालय स्वास्थ्य सेवा के अतर्गत सेटअप म स्वीकृत सोज भरती के खाली पद ल भरे जाये के अनुमति दे हावय। एमे चिकित्सा अधिकारी के 143 पद, नेत्र सहायक अधिकारी के 234 पद, मेडिकल लैब टेक्नोलॉजिस्ट के 141 पद, रोडियोग्राफर के 48 पद, स्टॉफ नर्स के 464 पद, ओ.टी. टेक्निशियन के 18 पद, फार्मासिस्ट ग्रेड-2 के 187 पद, मनोरोग परिचारिका के 24 पद अउ मनोरोग समाजिक कार्यकर्ता के 5 पद के खातिर मंजूरी दे करे गे हावय। इही रकम ले ग्रामीण स्वास्थ्य संयोजक (पुरूष) के 379 पद, ग्रामीण स्वास्थ्य संयोजक (महिला) के 210 पद, ड्रेसर ग्रेड-1 के 496 पद, डार्करूम असिस्टेंट के 14 पद, लैब असिस्टेंट के 16 पद, रेफ्रिजरेटर मैकेनिक के 4 पद, डेªसर ग्रेड-2 के 68 पद अउ चतुर्थ श्रेणी के 1497 पद के सोज भरती के खातिर अनुमति दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।