अंजोर.रायगढ़, 27 सितंबर। लैलूंगा म 22-23 सितम्बर के रात पत्थलगांव रोड़ म एलडरमेन मदन मित्तल ओकर पत्नी श्रीमती अंजू मित्तल के हत्या के गुत्थी रायगढ़ पुलिस घटना के तीन दिन बाद सुलझा लिस। ये घटना म 04 बालक अउ 01 बालिग आरोपी अक्षय प्रधान ल गिरफ्तार करके रिमांड म भेजे गे हावय। अऊ उंकर एक साथी फरार हावय।
पुलिस के बताती चोरहा मन रोशनदान के जाली ल काट के घर अंदर घुसके मदन कुमार अग्रवाल (55 वर्ष) अउ पत्नी अंजुदेवी अग्रवाल (54 वर्ष) के गला दबाके हत्या करके चोरी करे रिहिस। पुलिस सरलग मोबाइल नम्बर अउ सैकड़ों सीसीटीवी फुटेज के जांच के बाद सांई पेट्रोल पम्प म रात के 3-4 लड़का मनके मूव्मेंट देखिस जेन मित्तल निवास के पीछे वाले रोड़ ले हाकर चखना सेंटर के तरफ गिस अउ कुछ देर बाद उही पीछे वाले रास्तेा म हत्या के घटनास्थल कोति जात दिखिस। पुलिस टीम हिरासत म लेके संदिग्ध बालक ले पूछताछ करे म चखना सेंटर म चोरी अउ मित्तल निवास म हत्या अउ चोरी करना बताइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।