अंजोर.रायपुर, 27 सितंबर। छत्तीसगढ़ राज्य म सबो प्राथमिक स्कूल म पढ़ईया मन म पठन कौशल विकसित करे के खातिर अब शिक्षा विभाग एक नया प्रयोग करत रोचक कहानी के सहारा लेही। कक्षा पहिली ले लेके पांचवी तक के लइका ल अब रोचक कहानी पढ़े ल मिलही। लइका ले कक्षा म येकर पाठ भी कराये जाही, ताकि ओमा पढ़े के संग वाक्य ल समझे के क्षमता विकसित होए। शिक्षा विभाग ह स्टोरीव्हीवर के संग मिलके फाउंडेशन लिटरेसी नामक कार्यक्रम शुरू करत हावय। ए कार्यक्रम के जानकारी वेबीनार के माध्यम ले दे गे हावय, जेन ल यू-ट्यूब म उपलब्ध हावय।
कार्यक्रम म कहानी ल कक्षा पहिली के खातिर स्तर-एक अउ दो, कक्षा दूसरी के खातिर स्तर- तीन अउ चार, कक्षा तीसरी के खातिर स्तर- पांच अउ छह म वर्गीकृत करे गे हावय। एक स्तर के कहानी ल समझ के एक संग पढ़ सके के स्थिति म आगू स्तर म बढ़ना होही। सबोच स्तर म 20 ले 30 कहानी पुस्तक उपलब्ध होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।