अंजोर.दंतेवाड़ा, 15 सितंबर। दन्तेवाड़ा के अपन ब्राण्ड डेनेक्स नवा दन्तेवाड़ा गारमेंट फेक्ट्री हारम यूनिट ले आज 70 हज़ार रेडीमेड कपड़ के लॉट बिक्री के खातिर बैंगलूरू भेजा गिस, जेकर कीमत 4 करोड़ रूपिया हावय। दंतेवाड़ा गारमेंट फैक्ट्री ले अब तक डेनेक्स ब्रांड के लगभग 12 करोड़ कीमत के गारमेंट सप्लाई करे जा चुके हावय। जानबा होवय के पुना माड़ाकाल दन्तेवाड़ा गरीबी उन्मूलन के तहत् जिला म आर्थिक रूप ले कमजोर लोगन ल आजीविका उपलब्ध कराये के खातिर कई रकम के उद्यम अउ स्वरोजगार संचालित करे जात हावय, जेमा नवा दंतेवाड़ा गारमेंट फैक्ट्री भी सामिल हावय। नवा दंतेवाड़ा गारमेंट फैक्ट्री ले आज 4 करोड़ के गारमेंट बैंगलूरू भेजा गिस, जिहां ले दंतेवाड़ा डेनेक्स ब्रांड के गारमेंट्स ऑनलाईन देश के कश्मीर ले कन्याकुमारी बिकत हावयं।
नवा दंतेवाड़ा गारमेंट फैक्ट्री के जरिए बड़ संख्या म लोगन ल रोजगार अउ आय के जरिया उपलब्ध होत हावय। डेनेक्स ब्रांड के गारमेंट ह देश के मार्केट म अपन अच्छी जगह बना ले हावय। दंतेवाड़ा म तइयार गारमेंट्स के पूरा देश म डिमांड हावय। गारमेंट फैक्ट्री म बुता कर महिला मन पूरा मनोयोग ले अपन काम म जुटे हावय अउ मार्केट के डिमांड के अनरूप गारमेंट तइयार करत हावय। कलेक्टर श्री दीपक सोनी ह आज फैक्ट्री पहुंच के महिला मन डहर ले करे जात बुता के बढ़ई करिस। डेनेक्स म कार्यरत सुश्री कुसुम नाग, सुश्री नीतू नेताम, सुश्री सतबती नाग, सुश्री संजना यादव ल बने बुता खातिर बेस्ट परफॉर्मेंस ऑफ द मंथ के खिताब अउ उनला कंपनी के कोति ले एक हजार रूपिया के गिफ्ट वाउचर दिस। सुश्री कांति कुसुम के लगन अउ मेहनत के देखत होए ओला प्रोमोशन दे के संग ही हजार रूपिया वेतन 7 हजार रूपिया ले बढ़ाके 10 हजार रूपिया करके दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।