राजधानी के आर.डी. तिवारी स्वामी आत्मानंद शासकीय उत्कृष्ट अंग्रेजी माध्यम स्कूल म आयोजित ‘शिक्षा मड़ई’ म पहुंचिस मुख्यमंत्री दाऊ भूपेश बघेल

अंजोर.रायपुर, 05 सितम्बर। शिक्षक दिवस के मउका म राजधानी रायपुर के आर.डी. तिवारी स्वामी आत्मानंद शासकीय उत्कृष्ट अंग्रेजी माध्यम स्कूल म आयोजित ‘शिक्षा मड़ई’ म पहुंचिस मुखिया भूपेश दाऊ जी। ‘शिक्षा मड़ई’ प्रदर्शनी म नवाचारी शिक्षक मन के बुता के प्रदर्शित लगे हावय। मुख्यमंत्री ह ए मउका म नवा स्वरूप म आर.डी. तिवारी स्वामी आत्मानंद शासकीय उत्कृष्ट अंग्रेजी माध्यम स्कूल के लोकार्पण करिन। श्री बघेल ह उहां लइका ले गोठबात करके उंकर पढ़ाई-लिखाई के जानकारी लीस, लइका डहर ले खेले जात आने-आने स्थानीय खेल के अवलोकन तको करिन। मुख्यमंत्री ह स्कूल के क्लास रूम सहित प्रदर्शनी म मोहल्ला कक्षा अउ लाउडस्पीकर कक्षा, मोटर-साइकिल गुरूजी क्लास, सिनेमा वाला गुरूजी क्लास, श्यामपट वाला गुरूजी क्लास, अंगना म शिक्षा, स्मार्ट क्लास अउ जुगाड़ स्टूडियो, पपेट शो, विज्ञान-रसायन-भौतिक प्रयोगशाला टीएलएम (टीचर लर्निंग मटेरियल) प्रदर्शनी, पुस्तकालय, अमाराईट प्रोजेक्ट के अवलोकन भी करिन। कार्यक्रम म स्कूल शिक्षा मंत्री डॉ. प्रेमसाय सिंह टेकाम, विकास उपाध्याय, एजाज ढेबर, कुलदीप जुनेजा, ज्ञानेश शर्मा सहित केऊ बड़का जनप्रतिनिधि उपस्थित रिहिस।