बलौदाबाजार जिला के कोसमकुंडा अउ मल्दी म चलत राशन दुकान के संचालक निलंबित

अंजोर.बलौदाबाजार, 5 सितंबर। बिलाईगढ़ विकासखण्ड के राशन दुकान चलाने वाला दू संचालक ल निलंबित कर दे गे हावय। एमे कोसमकुंडा राशन दुकान के संचालक प्राथमिक कृषि साख सेवा सहकारी समिति भटगांव अउ मल्दी म दुकान चलाने वाला संस्था जय महामाया महिला स्व मदद समूह बगलोटा सामिल हावयं। अनुविभागीय राजस्व अधिकारी बिलाईगढ़ बजरंग दुबे ह खाद्य निरीक्षक ले मिले प्रतिवेदन के आधार म निलम्बन के ये कार्रवाई करे हावय। प्रतिवेदन के मुताबिक खाद्यान्न के स्टॉक अउ वितरण म गंभीर गड़बड़ी पाई गे रिहिस। ओमन ये दुकान ले सम्बद्ध उपभोक्ता ल सरलग रूप ले राशन सामग्री के आपूर्ति सुनिश्चित करे के खातिर अवइया आदेश तक गांव पंचायत कोसमकुंडा अउ गांव पंचायत मल्दी ल अधिकृत करे हावय।