मुकंद रेडियो के सुरता पोथी म 1952 ले 2021 तक के कार्यक्रम के सुघ्घर संकलन, प्रकाशित मोनोग्राफ के विमोचन करिस मुख्य्मंत्री दाऊ भूपेश बघेल

अंजोर
0

अंजोर.रायपुर 24 सितम्बर। मुख्यमंत्री दाऊ भूपेश बघेल ह मुकुंद रेडियो डहर ले प्रकाशित मोनोग्राफ के विमोचन करिन। ए मोनोग्राफ म 1952 ले 2021 तक अविभाजित मध्यप्रदेश अउ छत्तीसगढ़ के लगभग छह दशक के दृश्यात्मक दस्तावेज संकलित हावय। मुकुंद रेडियो के संचालक संजय मोहदीवाले ह मुख्यमंत्री के बताइन के 1950 के दशक म स्थापित ए संस्थान म उंकर पिता स्व. मुकुंद राव मोहदीवाले ह सबो राजनैतिक- सांस्कृतिक कार्यक्रम के सचित्र ब्यौरा रखे के परंपरा शुरू करिस, जेला आज उंकर तीसरी पीढ़ी भी निभात हावय। ए रकम ले संस्थान म श्वेतश्याम दौर ले लेके आज के डिजिटल युग तक छत्तीसगढ़ अंचल म आयोजित कार्यक्रम म शिरकत करइया मशहूर हस्ति मनके तिथिवार तस्वीर के एक लघु दीर्घा मौजूद हावय। ये तस्वीर के दस्तावेज ल मोनोग्राफ के शक्ल म प्रकाशित करे गे हावय। 

मुख्यमंत्री ह मोनोग्राफ के प्रकाशन म मुकुंद रेडियो संस्थान ल बधाई देत किहिन के अइसे फ़ोटो दस्तावेज इकट्ठा करना, जेमा प्रदेश म आये सबो शख्सियत मनके रिकॉर्ड हो अउ ओला दशक तक सहेज करके सिलसिलेवार रूप ले प्रकाशित करना अपन आप म बहुत जरूरी अउ प्रशंसनीय बुता हावय। मोनोग्राफ के आकल्पक अउ सम्पादक राजेश गनौदवाले ह मुख्यमंत्री ल बताइन के किताब म पहिली राष्ट्रपति स्व. डॉ राजेन्द्र प्रसाद, पूर्व प्रधानमंत्री स्व. श्री मोरारजी देसाई, स्व. श्रीमती इंदिरा गांधी,  स्व. श्री चन्द्रशेखर, स्व. श्री अटल बिहारी बाजपेयी, पूर्व राष्ट्रपति स्व. ज्ञानी जैल सिंह, स्व. श्री रविशंकर शुक्ल, स्व. श्री मन्ना डे, श्री पंकज उधास, स्व. बेगम अख्तर, स्व. जगजीत सिंह जइसे हस्ति मनके छत्तीसगढ़ आगमन ले लेके मुख्यमंत्री श्री बघेल के कार्यकाल के 2 साल के चुनिंदा तस्वीर सामिल हावयं। मुख्यमंत्री भूपेश बघेल ह मोनोग्राफ के अवलोकन करके प्रदेश म आयोजित जुन्ना कार्यक्रम ल सुरता करिस, जेमे वो स्वयं मौजूद रिहिन रिहिस। 

ओमन मोनोग्राफ के प्रति स्वहस्ताक्षरित करके शुभकामना संदेश म लिखिस के मुकुंद रेडियो छत्तीसगढ़ के खातिर जाना पहचाना नाम हावय। सबोच बड़े आयोजन म उंकर उपस्थिति सफलता के परिचायक हावय। ये पुस्तक मुकुंद रेडियो के सफरनामा हावय। ये मउका म छत्तीसगढ़ राज्य पाठ्य पुस्तक निगम के अध्यक्ष शैलेश नितिन त्रिवेदी अउ समीर मोहदीवाले उपस्थित रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !