अंजोर.रायपुर,19 सितंबर। प्रदेश के मुखिया दाऊ भूपेश बघेल ह प्रदेश के 28 जिला म 2 हजार 834 करोड़ रूपिया के लागत के 401 आने-आने विकास कार्य के लोकार्पण अउ भूमिपूजन करिस। ये मउका म लोक निर्माण मंत्री ताम्रध्वज साहू तको रिहिस। जेमा मुख्य रूप ले सड़क अउ भवन निर्माण ले जुरे 284 अउ पुल-पुलिया ले जुरे 48 बुता सामिल हावय।
लोकार्पण अउ भूमिपूजन के काम म लोक निर्माण विभाग के अलावा 125 करोड़ 65 लाख रूपिया के लागत के आन विभाग के 69 बुता तको सामिल हावय। ये मउका म स्वास्थ मंत्री टीएस सिंहदेव, नगरीय प्रशासन मंत्री डॉ शिवकुमार डहरिया, राजस्व मंत्री जयसिंह अग्रवाल, खाद्य मंत्री अमरजीत भगत, स्कूल शिक्षा मंत्री डॉ प्रेम सिंह टेकाम, राज्यसभा सांसद श्रीमती छाया वर्मा, संसदीय सचिव विकास उपाध्याय, यू डी मिंज, विधायक गुलाब कोमरो, बृहस्पति सिंह, प्रकाश नायक, खाद्य नागरिक आपूर्ति निगम के अध्यक्ष राम गोपाल अग्रवाल मन तको रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।