अंतर्राष्ट्रीय वृद्धजन दिवस : समाज कल्याण विभाग करही बुजुर्ग मन खातिर कई कार्यक्रम, खेल प्रतियोगिता अउ राज्य स्तरीय सम्मान समारोह होही

अंजोर.रायपुर, 22 सितम्बर। समाज कल्याण विभाग डहर ले एक अक्टूबर अंतर्राष्ट्रीय वृद्धजन दिवस के मउका म बुजुर्ग मन खातिर समाज म सम्मानजनक वातावरण बनाये के खातिर केऊ किसम के कार्यक्रम के आयोजन करे जाही। ये दिन राजधानी रायपुर म राज्यस्तरीय आयोजन होही, जेमा खेल, साहित्य, संगीत, अभिनय, नृत्य, गायन, वादन, कोरोना वारियर्स के रूप म ख्याति प्राप्त वरिष्ठ नागरिक मनला सामिल करे जाही। अऊ बुजुर्ग मन बर खेल प्रतियोगिता के आयोजन होही। सबो जिला म अधिकारी ले बुजुर्ग मन खातिर 25 सितम्बर तक जिलास्तरीय खेलकूद प्रतियोगिता आयोजित करे ल केहे गे हावय। खेल प्रतियोगिता के आयोजन म कोविड-19 के संक्रमण ले बचाव के खातिर जारी दिशा-निर्देश के पालन करना होही।