अंजोर.बेमेतरा, 22 सितम्बर। राजीव गांधी किसान न्याय योजना ले खरीफ फसल मनके उत्पादन ल प्रोत्साहित करे बर पहिली किसान मनके पंजीयन के करार तिथि 30 सितम्बर रिहिस जेला आगे घूचावत करके छ.ग. कृषि विकास अउ किसान कल्याण मंत्रालय डहर ले 31 अक्टूबर 2021 करके दे गे हावय। उप संचलक कृषि ह बताइन के पंजीयन के तिथि बढ़ाये ले किसान रकबे के पंजीयन म बढोतरी होए हावय। योजनान्तर्गत आज 22 सितम्बर तक ए साल धान के संग कोदो, कुटकी, गन्ना, मक्का अउ दलहन अउ तिलहन लगाये वाला 13346 किसान मन अउ 9862.71 हे. रकबा के पंजीयन कर चुके हावय अउ खरीफ साल 2020 म जेन रकबा म किसान डहर ले धान के खेती अउ न्यूनतम समर्थन कीमत म धान बेचे गे रिहिस, उंकर डहर ले धान के बदला सुगंधित धान, फोर्टिफाइड धान दलहन, तिलहन, उद्यानिकी फसल ले वाला 435 किसान मन अउ 254.47 हे. रकबा के पंजीयन करे जा चुके हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।