अंजोर.रायपुर,22 सितम्बर। छत्तीसगढ़ शासन डहर ले राज्य के मूल निवासी अउ संबंध रखे वाला अप्रवासी भारतीय मनखे ले, जेन मन अपन कार्यकौशल मेहनत के संग देश के बाहिर सामाजिक कल्याण, मानव संसाधन विकास, कला, साहित्य या आर्थिक क्षेत्र म स्वयं के स्थापित करत जबर बुता करे हावय, के योगदान ल मान्यता दे, प्रोत्साहित करे अउ प्रतिष्ठा मंडित करे के उद्देश्य ले ‘छत्तीसगढ़ अप्रवासी भारतीय सम्मान‘ स्थापित करे गे हावय। ए सम्मान के खातिर प्रविष्टि अउ अनुशंसा आमंत्रित करे गे हावय।
मिले जानकारी के मुताबिक चयन समिति के अनुशंसा म शासन डहर ले आखरी रूप ले घोषित एक मनखे ल दू लाख रूपिया नगद अउ प्रशस्ति पत्र ले सम्मानित करे जाही। सम्मान के खातिर निम्ननानुसार अपेक्षा के पूर्ति करत प्रविष्टियां ईमेल म आमंत्रित करे गे हावय। नामांकित करे जाये वाला मनखे के नाम, पूरा परिचय अउ पता, अप्रवासी भारतीय विदेश म करे गे कार्यो के सप्रमाण विस्तार ले जानकारी, पहिली म कोनो आन सम्मान मिले होइस हो त ओकर विवरण, चयन होए के स्थिति म सम्मान ग्रहण करे के संबंध म संबंधित मनखे के लिखित सहमति। ‘छत्तीसगढ़ अप्रवासी भारतीय सम्मान‘ 2021 के प्रविष्टियां संबंधी जानकारी संस्कृति विभाग के विभागीय वेबसाईट www.cgculture.in म देखे जा सकत हावय। प्रविष्टि के आखरी तिथि 11 अक्टूबर 2021 हावय अउ प्रविष्टि विभाग के मेल आईडी rajyaalankaranculture@gmail.com म प्रेषित मेल के आकार 10 एम.बी. अउ वर्ड, पीडीएफ, इमेज सहित कुल 20 ए-4 साईज पेज म स्वीकार के जाही। प्रस्तुत करे गिस प्रविष्टियां के संबंध म कोनो भी पत्रचार मान्य नइ होही। संबंधित सम्मान साल के खातिर मिले प्रविष्टि के अलावा निर्णायक मंडल (जूरी) स्वविवेक ले अइसे मनखे अउ संस्था के नाम म विचार कर सकही, जेला वो ह सम्मान के उद्देश्य अउ मुताबिक पाए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।