अंजोर.रायपुर, 22 सितम्बर। छत्तीसगढ़ शासन डहर ले छत्तीसगढ़ के लोक कला के क्षेत्र म जबर साधना अउ उपलब्धि ल सम्मानित करे, मान्यता दे अउ प्रतिष्ठित करे के उद्देश्य ले राज्य स्तरीय ‘दाऊ मंदराजी लोक कला सम्मान’ स्थापित करे गे हावय। जेकर खातिर प्रविष्टी अउ अनुशंसा आमंत्रित करे गे हावय। प्रविष्टी संबंधी जानकारी संस्कृति अउ पुरात्तव विभाग के वेबसाईट www.cgculture.in म देखे जा सकत हावय। प्रविष्टी जमा करे के आखरी तिथि 11 अक्टूबर हावय, अउ प्रविष्टी विभाग के मेल आईडी rajyaalankaranculture@gmail.com म स्वीकार करे जाही। मिले जानकारी के मुताबिक चयन समिति के अनुशंसा म शासन डहर ले आखरी रूप ले घोषित एक मनखे अउ संस्था ल दू लाख रूपिया नगद अउ प्रशस्ति पत्र ले सम्मानित करे जाही।
सम्मान के खातिर निम्नानुसार अपेक्षा के पूर्ति करत प्रविष्टि ईमेल म आमंत्रित करे जात हावय। स्वयं या आन डहर ले सम्मान बर नामंकित करे जाये वाला लोक कलाकार अउ संस्था के नाम, पूरा परिचय अउ पता, लोक कला के क्षेत्र म करे गे कार्यो के सप्रमाण विवरण, पहिली म आन कोनो सम्मान मिले होइस हो त ओकर विवरण, चयन होए के स्थिति म सम्मान ग्रहण करे के संबंध म चयनित लोक कलाकार अउ संस्था के लिखित सहमति जरूरी होही। प्रविष्टि के खातिर ई मेल म विषय-‘दाऊ मंदराजी लोक कला सम्मान 2021‘ साफ अंकित करे जावे। मेल के आकार 10 एम.बी. अउ पीडीएफ, इमेज सहित ए-4 साई कुल 20 पेज अधिकतम स्वीकार होही। प्रस्तुत करे गे प्रविष्टी के संबंध म कोनो भी पत्रचार मान्य नइ होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।